CONSERVA DE XARDA EN VINAGRETA

A mellor época da xarda é de febreiro a maio, cando máis rica está e máis barata.

Ingredientes

 .- xardas, mínimo 3

4 dentes de allo

600 ml de Aove

2 ou 3 follas de loureiro

pementa en grao, negra e rosa

romeu fresco

tomiño fresco

175 ml de vinagre de mazá

A xarda ten que estar limpa, sen cabeza e aberta á metade.

Elaboración

1.- Cocemos a xarda en auga con loureiro e sal durante 5 minutos desde que comece o fervor

2.- Fría xa a xarda, elimínanse as espiñas e a pel, procurando deixar os lombos enteiros,

3.- Nunha pota ponse o aceite, vinagre, pementas, loureiro, dentes de allo laminados, sal, romeu e tomiño. Déixase ferver e báixase o lume ao mínimo (máis ou menos 3 sobre 10), deixando a esta tempresatura sobre 10 minutos. Apágase o lume e déixase arrefecer ou temperar.

4.- Colócanse os lombos de xarda limpos nun recipiente, a poder ser de cristal, con tapa con moito xeito e cóbrese coa vinagreta. 

5.- Déixase tapado na neveira un mínimo de 24 horas para que repouse, antes de comer ou envasar. Consérvase na neveira tapada sobre 10 días e pode embotarse.

 TORTIÑAS DE CENOURA

Receita de Anna, sacada do seu blog https://www.annarecetasfaciles.com/

Ingredientes

200 g de cenouras (sobre 3 ou 4 cenouras)

150 g de fariña de trigo

100 ml de leite

2 ovos

aceite

50 g de azucre moreno

1/2 culleradiña de canela

1/2 culleradiña de noz moscada

8 g de lévedo en po (1/2 do sobre habitual)

1 pisco de sal

Elaboración

1.- Móndanse e rélanse as cenouras

2.- Mestúranse os ingredientes seguintes: ovos batidos + azucre + leite + canela + noz moscada + sal. Bátense ben A MAN cun batedor de globo,  A MAN

3.- Engádese a cenoura relada, mestúrase, a fariña peneirada e, ao xeito, o lévedo.  Remexemos até integrar todo.

4.- Untamos unha tixola con aceite, só untada. Quentamos a lume medio (sobre 6.5/7 de mando sobre 10). Colocamos culleradas de masa na tixola sen que se toquen (sobre 4)

5.- Cocíñanse a lume medio por un lado até que aparezan burbulliñas na masa. Víranse e frítense polo outro lado. 

6.- Quentes é como máis ricas están, poden cubrirse de marmeladas variadas.

7.- De sobrar masa, pódese gardar no frigo tres ou catro días e facer as tortiñas cando se vaian consumir. Así están quentes.

 MASA DE CROQUETAS DE XAMÓN E QUEIXO NO MICROONDAS  MÁIS UNHA VARIANTE DE ESPINACAS CON QUEIXO DE CABRALES

Ingredientes

65 g de fariña de trigo

1 cebola pequena

75 g de xamón serrano

75 g de queixo manchego tenro

2 ovos

500 ml de leite

65 ml de Aove

pan relado

sal

pementa

Elaboración

1.- Pica o xamón en anacos moi pequenos, rela o queixo, pica a cebola e reserva

2.- Nun bol apto para microondas, con 3 litros de capacidade, pon o Aove, a cebola picada, e un chisco de sal. Mestura ben e quenta sen tapar 3 minutos a 800 W

3.- Engade a fariña, mestura ben co garfo e quenta 1 minuto 30 segundos a 800 W

4.- Verque o leite, sal, pementa, quenta en dúas quendas de 3 minutos a 800 W

5.- Agora a bechamel estará espesa, tritura co batedor para desfacer os bolos.

6.- Engade o xamón e o queixo relado. Mestura ben e quenta 2 minutos a 800 W. Rectifica o sal. Quenta outros 2 minutos a 800 W.

7.- Deixa enfriar a masa no mesmo recipiente, iso di a receita, mais eu pasei a masa a un recipiente rectangular.

8.- Dá forma ás croquetas. Rebózaas en fariña, ovo e pan relado.

9.- Conxela as que non vaias usar.

 VARIANTE DE ESPINACAS CON QUEIXO DE CABRALES

Os mesmos ingredientes da anterior receita, agás o xamón e o queixo, que substituíremos por 100 g de espinacas cocidas e escorridas e por 75 g de queixo de Cabrales ou queixo azul.

 

 XARRETE GUISADO, DE CARNE DOS ANCARES...

Ingredientes:

.- 800 g de carne de xarrete ou para guisar, eu fágoo coa carne de tenreira dos Ancares, que compro na cooperativa A Carqueixa, o sabor dos Ancares.  https://www.osabordosancares.com/

.- 750 g de patacas pequenas 

.- 1 culleradiña de sal

.- 1 litro de caldo, feito con concentrado de ave ou de carne.

.- 1 vaso ou 200 ml de viño

.- 2 cebolas

.- 4 dentes de allo

.- pirixel

.- sal

.- azafrán en po ou en fías

Elaboración:

1.- Cortar a carne en tres trozos grandes

2.- Esmagar no morteiro sal, perexil e allos.

3.- Impregnar a carne co mallado

4.- Na tixola co aceite a temperatura baixa, douramos as cebolas cortadas á xuliana sobre 10 ou 15 minutos. Xa douradas, retíranse as cebolas.

5.- Na mesma tixola e no mesmo aceite, quente, dóurase a carne por todas as partes para selala ou "asustala".

6.- Coa carne dourada, engadimos o caldo quente, o viño, a cebola reservada.

7.- Coce DÚAS HORAS tapado, a lume medio-baixo.

PATACAS

.- De seren pequenas, frítense en abundante aceite quente cunha areíña de sal, dóuranse sobre 3 minutos por cada lado. De seren grandes, pártense en anacos grandes e dóuranse sobre 3 minutos por cada lado.

8.- Na pota coa carne bótase o azafrán e as patacas e déixase cocer xunto como 10 minutos.

9.- Apágase o lume e déixase repousar 10 minutos antes de servir.

 ALBÓNDEGAS DE TENREIRA DOS ANCARES

 Esta é unha receita que lle copiei a Rosa, a autora do blog https://www.caceroladas.com/2014/10/albondigas-caseras-de-la-abuela.html, a quen lla agradezo.

Ingredientes:

.- 500 g de carne picada, pode ser mixta (porco e tenreira), mais eu uso a de tenreira dos Ancares, que compro na cooperativa A Carqueixa, o sabor dos Ancares.  https://www.osabordosancares.com/

.- miolo de pan, un vaso

.- leite, 100 ml

.- 1 ovo

.- 1 dente de allo

.- pirixel

.- fariña

.- 1 cebola grande

.- 3 cenouras medianas

.- 1/2 vaso de viño branco

.- pementa negra

.- pemento dóce ou picante, 1 culleradiña ou á vontade

.- aceite

.- sal

Elaboración:

1.- Remollamos o miolo do pan no leite e no ovo batido. 

2.- Esmagamos o allo en anacos co pirixel

3.- Nun cunco grande  mesturamos a carne, o miolo remollado, o allo esmagado, sal e pementa negra. Remexemos e mesturamos ben.

4.- Tápase con papel filme de plástico e déixase repousar na neveira 2 horas.

5.- Fóra da neveira xa, imos formando bolas de carne que rebozaremos nun prato con fariña, dándolle forma coa man.

6.- Nunha pota ampla, en aceite quente frítense as bolas de carne sobre 2 minutos, déixanse sobre papel absorbente para retirar o aceite.

7.- No mesmo aceite de frixir as albóndegas, cocemos a cebola moi picada e a cenoura relada, botamos o pemento dóce ou picante e o viño branco. Deixamos reducir 5 minutos fervendo.

8.- Engadimos o vaso de auga e deixamos que ferva.

9.- Incorporamos as albóndegas e, cobertas co líquido, (podemos engadir máis auga quente de precisar), déixase que cozan a lume medio sobre 20 ou 25 minutos, remexendo de cando en cando para que non se peguen.

 MASA PARA EMPANADA OU EMPANADILLAS PARA AMASAR NA PANIFICADORA DE LIDL

Ingredientes

275 g de fariña de forza

275 g de fariña normal

20 g de lévedo fresco (que pode estar conxelada, deixala a desconxelar un chisco)

250 ml de auga morna

100 ml de aceite

1 culleradiña de sal

1.- Na cubeta, coas pas postas, botamos a auga morna, desfacemos nela o lévedo. 

2.- Mesturamos a fariña normal e a de forza e peneiramos. Bótase na cubeta.

3.- Engadimos o aceite e, por último, o sal. 

4.- Programa 10, Masa

5.- Sácase a masa, estírase, esténdese sobre unha capa de fariña e amásase un pouco.

A partir de aí fas o que che pareza coa masa.