CHAMPIÑÓNS RECHEOS DE PILI-SECRETARÍA

CHAMPIÑÓNS RECHEOS DE PILI-SECRETARÍA

Ingredientes

.- champiñóns grandes

.- aceite

.- unha cebola e media

.- allos

.- dúas ou tres lonchas de xamón cocido

.- dúas ou tres lonchas de xamón serrano

.- sal

.- ½ vaso de viño branco

.- pementa branca moída

Como facelos

Lavamos os champiñóns e arrincámoslles o pedúnculo ou pé. Cortamos todos os pedúnculos en anaquiños pequenos.

Nunha tixola botamos un chisco de aceite e cocemos alí unha das cebolas moi picadiña. Engadimos os pés dos champis en anaquiños, e as dúas ou tres lonchas de xamón cocido en anacos pequeniños tamén. Reméxese todo xunto e refógase ben. Frita esta zaragallada, rechéanse con ela os champiñóns e bótaselles unha “chispiña” de pementa branca e de sal. RESÉRVANSE.

Nun pouco de aceite nunha cazola, pochamos un dente de allo moi picadiño e media cebola moi picada. Logo colocamos dentro da cazola os champiñóns coa zaragallada cara arriba, engadimos medio vaso de viño branco, a poder ser albariño, e non o Don Simón de cartón, e deixamos cocer todo uns quince minutos máis ou menos a lume medio.

No momento de os servir, fritimos as dúas lonchas de xamón serrano moi picadiñas e adornados cada champiñón cos triscos de xamón resultantes.

TORTA DE QUEIXO COCIDA

TORTA DE QUEIXO COCIDA

Ingredientes

.- 2 iogurtes naturais

.- 2 medidas de fariña

.- 2 medidas de azucre

.- 2 medidas de nata líquida

.- 2 medidas de leite enteiro ou semidesnatado

.- 8 queixiños tipo “caserío” ou 100 gramos de queixo de untar

.- 6 ovos

A “medida” reférese ao vaso do iogurte.

Como facela

Mestúrase todo coa batedora. Úntase o molde con manteiga ou margarina. Bótase toda a mestura no molde, métese no forno prequentado.

Tempo moi aproximado de cocción: 45 minutos a 200º C (Celsius) de temperatura.

LAGOSTIÑOS Á LARANXA E AO LIMÓN

LAGOSTIÑOS Á LARANXA E AO LIMÓN

Ingredientes

.- 500 gramos de lagostiños

.- 1 laranxa mediana

.- medio limón mediano

.- 1 copa de coñá

.- un chisco de sal

.- tres dentes de allo

.- aceite

Como facelos

Nunha pota, botamos o aceite, fritimos os dentes de allo fileteados, botamos os lagostiños, o sal, o coñá. A laranxa e o limón, coa tona incluída, sen mondar, van cortados en gaios para que solten o zume. Déixanse facer a lume mediano durante uns dez minutos. Sérvense quentes, botándolle o mollo por riba.

PASTEL DE CABRACHO

PASTEL DE CABRACHO

Ingredientes

.- 1 cabracho de aproximadamente 1 Kg. de peso

.- 1 bote de salsa de tomate (sobre 200 gr. aproximadamente)

.- 3 ovos

.- 2 centilitros de nata aproximadamente

.- un chisco de sal

.- manteiga para untar un molde (flaneira)

.- maionesa para cubrir

.- leituga para cubrir

Como facelo

Limpo o cabracho, cócese durante 15 minutos a proximadamente. Cando estea morno, para non queimármonos, retíranselle todas as espiñas e a pel, a carne esmiúzase ben.

Mestúranse na batedora os ovos*, o peixe ben esmiuzado, a salsa de tomate e a nata líquida. Esta “zaragallada” bótase nun molde untado con manteiga.

Prequentado o forno, cócese uns trinta minutos a 180º C.

Déixase enfriar, desmóldase o pastel. Pódese servir morno ou frío, adornado con leituga e coberto con maionesa.

Opcionalmente pódeselle engadir trufa, pementa branca ou eneldo.

*Nota: para mellorarmos a “zaragallada”, no canto de bater simplemente os ovos, podemos separar as claras das xemas, bater as xemas soas, bater as claras a punto de neve e, logo, xuntalas coa nata, a salsa de tomate e o peixe esmiuzado.

TORTA DE VERDURAS

INGREDIENTES TORTA DE VERDURAS

1 paquete de masa de follado, masa quebrada ou masa brisa

4 ovos

250 cl de leite

sal

pementa

150 gr de queixo parmesano ralado ou ben 3 lonchas de queixo de derreter

50 gr de taquiños de xamón serrano, panceta  ou xamón cocido

verduras, as que queiras: xudías, chícharos, cenorias, cabaciño, allos porros....

Cócense as verduras separadamente con sal a gusto. Moi importante cocer as verduras separadamente

No molde esténdese a masa de follado, e pínchase bastante cun garfo para que non levante.

Mestúranse nun recipiente os catro ovos batidos co LEITE FRÍO, bótase sal e pimenta a gusto. Métense dentro as verduras que se queira, (chícharos, xudías, cenoria...), o queixo ralado ou as 3 lonchas de queixo en anacos pequenos. Reméxese todo un pouco, bótase esta zaragallada enriba da masa, colocada no molde e ben pinchada. Engádenselle os taquiños de xamón.

Co forno prequente, cócese a 180º durante 30 ou 40 minutos, todo debe estar

callado e a masa cocida. Pódese tomar quente ou frío.